ابسير لقلبك والبساط احمدي
أوعدك ماطول كل أبوها ساعتين
بتحسس هالمشاعر واحتضنها في يدي
وأوصف لعقل الفخامه حالة القلب الحزين
وأبي من سيّد جلالة خاطرك ياجودي
ترحم البؤس وشقائي وانكساري والحنين
دام أنا متواضعه في غروري بابتدي
أبحطم هالحواجز واكسر الصمت اللعين
ودام هالعذرا جريئه وطاحت بحب الجدي
كيف تقدر تلتقي به والكواكب ساهرين
بتصالح مع ظنونك والعن الحظ الردي
دام من دنيا المكاسب ماكسبنا خاسرين
الوله ذوب خفوقي والسنين تعدي
والجفا يبس عروقن من غلاكم مرتوين
ودام لك صدرن شمالي والبساط احمدي
خلني اسكن بقلبك واندفن به سنين
0 التعليقات:
إرسال تعليق