قالوا لي الشعار مهرة وترفا

متواضعه بقلمي أتمنى تعجبكم ...

أبي أغيب , ولاتجملني أعذار
وأبيك تعذرني إذا غبت , تكفى

يمكن تجيك مزوّره بعض الأخبار
وترى الحقيقه عن هل الزور , تخفا

وتبي تقصّر بالوفا بعض الأشوار
ولايكمل التقصير .. سيفٍ وشلفا

جاملت بوجودي رديين وأخيار
ولاحدٍ ليا جاه الخطا منك يرفا

دامك زرعت دروب غيري بالأزهار
وغلاي في قلبك لقى اليوم حتفا

وشيدت في ظنك خيالات وأسوار
ماكنت اظن انك من الشك تجفا

وصدقت بي هرجت نميمٍ وغدار
وأحلى مشاعرنا مع الصد تغفى

قد كنت قلبٍ بالغرق حلمه انهار
وانت النديم وخافقي كان مرفا

وقد شفت عينٍ دمعها هل مدرار
ومع الدموع الزرق شرهات تطفا

وزهبت حالي فازعه فزعة أحرار
وضمّدت جرحي لجل ينسى و يشفى

واليا تخطف ناظري زول مرار
وقالولي الشعار مهره وترفا

سديت سمعي عن جزيلين الأشعار
وجفني يغض عن الرجاجيل طرفا

ولاحدن ملك عندي قناعات وأفكار
واللي بغاني قلت له روح , معفى

ماني على زلات الأحباب دوار
وثلج الزعل لو لامس القلب يدفا

أخذت مع درب المحبين مشوار
وكرهت قلبٍ مع هل الحب صلفا

وعزمت أهاجر مع صغيرات الأطيار
وأبعد وأدوّر عن هل الشر منفا