أنا صدق المشاعر بـي أكيـده أنـا دارً تباهـا فـي مكـانـه |
أنا المضمون والحكمه السديـده أنا المرجان ولي بالبحر دانـه |
أنـا فكـرة معانيهـا بعـيـده أنـا ورد الشـذا يمـلأ كيانـه |
أنا بكفي يحـط الشعـر قيـده وأنا نبضي يساورنـي حنانـه |
أنا مرّه حزن ؟ مـره سعيـده وأحس أحيان يسرج لي عنانـه |
أنـا ضـد الخيانـة والمكيـده تشوم بعزتي ( هذرة ) لسانـه |
أطاوع من ملكني في رصيـده وأخلـي كلمتـه حكمـة بيانـه |
أعانق من سكنت أقصى وريده وأصافح خاطّره .. طيب وميانه |
وتهيم الروح بحروف القصيـده لا صارت قصةٍ تحكي زمانـه |
صدى الاحساس حلمً أستعيـده يجوب بخافقي وأقول عانـه ؟ |
مابين شيوخ / سادات / وعبّيده تِريّح النفس لمسة مـن بنانـه |
مّحبـة للخفـوق اللـي أريـده مادام بزفرتي صهوة حصانـه |
والا ياناشـد الهاجـس جديـده توشّح بالغلا والصـدق زانـه |
عزاي أن الوفا طبـع وعقيـده وعزاي الصيت شامخ بأتزانـه |
|
.
0 التعليقات:
إرسال تعليق