الجهرا

---

لا قالوا ( الجهراء ) تذكرّت الايـام عمر الطفولـه والليـال الجميلـه

لو غبت عنها يالغلا حفنة أعـوام يكبـر غلاهـا بيـن يـومٍ وليلـه

ديرة .. أربوعي والحبايب والارحام من بعدهـا قلبـي همومـه ثقيلـه

ماغاب عن عيني وهجها ولا عـام أرفع لها البيضاء بـرأس النفيلـه

أرسم معالمها علـى رؤس الاقـلام عينـي أسليّهـا ونفسـي عليلـه

صوره لها نبضي ودمعي والالهـام صورة شموخ وللمبـأدي فضيلـه

رغم البطا ، رغم العنا ، رغم الايام باقي معي للحيـن ذكـرى جميلـه

يذكرك طرف تالـي الليـل مانـام ونار المفـارق بالضمايـر مليلـه

أنساك كيف أنساك ؟ نسيانك أوهام فيض الحنين اللي غبنـي رحيلـه

أنا عرفتك حْب وأحسـاس والهـام من أول لقاء كنـا خليـل وخليلـه

عشنا الحياه أحلا من أوقات الاحلام انته وأنا والليـل فـي كـل ليلـه

أكتب حروفي شوق وأحساسي هيام كنا جسـد واحـد مشاعـر نبيلـه

طيفك يجيني حلم بجلـوس وقيـام كنك بقربي .. والمسافه طويلـه !!

واليوم صار الحب .. غايات والزام غايتنـا بالحـب صـارت وسيلـه